குழந்தைகளிடம் கோபப்பட்டுக் கத்துகிறீர்களா? – கட்டுப்படுத்தும் வழிமுறைகள்

குழந்தைகள் மட்டுமல்ல, நம்மை விட பலவீனமானவர்கள் யாரு மீதும் நாம் செலுத்தும் கோபம் அர்த்தமற்றதாகும்.


203
31 shares, 203 points

கோபம் வருவது என்பது மனிதர்களுக்கு இயற்கையே. அதே சமயத்தில் அந்தக் கோபமே உங்களை முழுவதுமாக ஆட்கொண்டு விடச் செய்வது முறையல்ல. அதிலும் ஒரு குழந்தைக்குப் பெற்றோராக இருப்பவர்கள் இன்னும் கவனமாக இருக்க வேண்டும். நாம் செய்யும் எந்தச் செயலும் குழந்தையை நேரடியாக பாதிக்கும். பெற்றோர்களின் மன அழுத்தம், எரிச்சல், உரக்கக் கத்துதல், குழந்தைகளைப் போட்டு அடித்தல் போன்றவை எல்லாம் தவிர்க்கப்பட வேண்டிய விஷயங்களாகும்.

ஆகவே, நீங்கள் அந்தச் சமயங்களில் உரக்கக் கத்துபவராக இருந்தால் அல்லது உங்களுடைய மனைவி/கணவர் அப்படிப்பட்டவர் என்று நினைத்தால், மேற்கொண்டு படியுங்கள்.

கோபத்திற்கான முதன்மைக் காரணம்

உங்கள் அனுபவத்தில் நீங்கள் உச்சகட்டக் கோபத்தில் இருக்கும் நேரத்தைக் கணக்கிடுங்கள். உங்களுக்கு ஏன் எரிச்சல் வந்தது என்று ஆராயுங்கள். உங்கள் குழந்தை ஒருவேளை சாப்பிட மறுக்கலாம் அல்லது அவனுடைய வீட்டு வேலையைச் செய்ய மறுக்கலாம். ஆனால், அவை மாத்திரமே உங்களைத் தூண்டி உரக்கக் கத்த வைக்கவும், அடிக்க வைக்கவும் செய்யுமா என்ன?

உண்மையில் உங்களுக்கு வேறு ஒரு காரணத்தினாலேயே கோபம் வந்திருக்கலாம் அல்லது கோபம் தூண்டப்பட்டிருக்கலாம். உங்கள் அலுவலகமோ அல்லது துணைவியாரோ அதைச் செய்திருக்கலாம். ஆனால், அந்தக் கோபத்தைக் குழந்தை மீது திணிக்கிறீர்கள்.

கோபத்தால் பாதிக்கப்படும் குழந்தை

கோபம் என்பது பலவித உணர்வுகளின் சேர்க்கையாகும். உதாரணத்திற்கு, அந்தத் தருணத்தில் நீங்கள் சக்தியற்றுப் போயிருக்கலாம், குறைவாக மதிப்பிடப்பட்டிருக்கலாம், ஏமாற்றம் அடைந்திருக்கலாம், அல்லது அதிக வேலைப்பளுவால் அவதிப்பட்டிருக்கலாம். இவற்றில் பல உங்கள் கோப உணர்வோடு கலந்திருக்கலாம். முதலில் உங்கள் கோபத்தைச் சற்று அடக்க முயலுங்கள். முதன் முதலில் உங்களைத் தூண்டிய அம்சங்களைக் கண்டு கொள்ளுங்கள்.

ஒரு சில சமயங்களில் கோப தாபங்களினால் நிலைமை கட்டுக் கடங்கலாம். இருந்தாலும், அதுவே பழக்கமாகி குழந்தை வெறும் பயத்தினால் அடங்கி விட்டால், உங்கள் குழந்தையின் நம்பிக்கை சிதறி விடும். வெறும் பயத்தினால் மட்டுமே குழந்தை கட்டுப்படுத்தப் பட்டு விட்டால், அந்தக் குழந்தை உணர்வுகளை அடக்கிக் கொண்டு பின்வாங்கும். அதன் உணர்வுகள் உதாசீனப்படுத்தப் பட்டதாக நினைக்கும். ஆகவே, கோபப்படும் பொழுது கோபத்தின் விளைவுகளை ஆராய்ந்து விட்டு அதனால் வரும் நஷ்டத்தின் மீது கவனம் கொண்டால் கோபப்படவே மாட்டீர்கள்.

கோபத்தைக் கட்டுப்படுத்தும் வழிகள்

நிலைமையை உங்கள் கையில் எடுத்துக் கொண்டு செயல்படுங்கள். உங்கள் கோப உணர்ச்சி உள்ளுக்குள்ளேயே புகைந்து கொண்டிருப்பதாக நினைத்தால், உடனே நீண்ட பெருமூச்சு விடுங்கள். அதைச் செய்து விட்டு, ‘ஒரு வேளை வேறு ஒரு காரணம் என் கோபத்தைத் தூண்டி விட்டிருக்கிறதோ? வேலைப் பளுவினால் எல்லையற்று அழுத்தம் ஏற்பட்டதா அல்லது நான் பசியுடனும், அதீதமான களைப்புடனும் இருக்கிறேனா?’ என்றெல்லாம் சிந்தியுங்கள். அப்படி என்றால் உடனுக்குடன் அந்தத் தேவைகளை முதலில் பூர்த்தி செய்து கொள்ள வேண்டும்.

கொஞ்சம் மனதை வேறு பக்கம் திருப்புங்கள்

உங்கள் குழந்தையிடம், உங்கள் மனம் சரியாக இல்லை என்றும், தான் சற்று நேரம் மனதை வேறு பக்கம் திருப்பப் போவதாகவும் சொல்லுங்கள். அந்த இடத்திலிருந்து விலகிச் சென்று விடுங்கள். ஆழமாக மூச்சு விடுங்கள். குளிர்ந்த குடி நீரைப் பருகுங்கள். முகத்தைக் கழுவிக் கொள்ளுங்கள். உங்களுக்கு நீங்களே பேசிக் கொள்ளுங்கள். கீழ்க்கண்ட வார்த்தைகளைச் சொல்லிக் கொள்ளுங்கள்.

  • ஆமாம்!! நான் உண்மையிலேயே கோபமாகத் தான் இருக்கிறேன். ஆனால், இது ஒரு சில நிமிடங்களில் விலகிச் சென்று விடும். என்னையே நான் கட்டுப்படுத்திக் கொள்ள முடியும்.
    நான் வயது முதிர்ந்தவன். இங்கு நான் அதை நினைவில் கொள்ள வேண்டும்.
  • என் குழந்தை நான் கோபப்படுவதை விரும்பவில்லை. இந்த நிலைமைக்கு நானே பொறுப்பு ஏற்றுக் கொள்ள வேண்டும்.

மனம் அமைதியான பிறகு சென்று குழந்தையுடன் பேசித் தீர்க்க ஆரம்பியுங்கள்.

உங்களுக்கான நேரம் என்பது சுயநலமல்ல

உங்களது கோபத்தைக் கட்டுப்படுத்தக்கூடிய, ஆனால் விமர்சனத்திற்கு உட்பட்டதான வழிமுறை இதுவாகும். உங்களை மகிழ்விக்கக் கூடிய ஏதாவதொன்றை நீங்கள் தினசரி செய்ய ஆரம்பியுங்கள். உங்களது மன இறுக்கத்தைக் குறைக்க அது உதவும்.

யோகாசனப் பயிற்சி, நீச்சல், இசை, தோட்டக்கலை, புத்தக கிளப், நண்பர்களுடன் தேநீர் விருந்து ஆகியவை போன்ற ஏதாவதொன்றில் உங்களை ஈடுபடுத்திக் கொள்ளுங்கள். ஒரு மகிழ்ச்சி மிக்க, பரபரப்பற்ற, அமைதியான பெற்றோராக இருப்பது உங்கள் குழந்தைக்கு மிகச் சிறந்த பரிசாக இருக்கும். எனவே ‘ உங்களுக்கான நேரம் ‘ என்பதை சுயநலம் என்று எண்ணாதீர்கள்.

‘பெரியோர்களாகிய நாம் குழந்தைகளுக்காக செய்யக் கூடியது ஒன்று தான் அதாவது நாம் அவர்கள் யாராக மாற வேண்டுமென்று  விரும்புகிறோமோ அப்படியே நாம் மாறி விடுவதுதான்’ என்கிறார் கரோல் ஹில்மன் என்ற சிந்தனையாளர். கோபத்தைக் கட்டுப்படுத்துங்கள். குழந்தைகளாக மாறி விடுங்கள்.

எழுத்தாணியில் வீண் வதந்திகளையோ, வெறுப்பூட்டக்கூடிய பதிவுகளையோ, நடிகர்/நடிகைகள் தொடர்பான கிசுகிசுக்களையோ நாங்கள் ஒரு போதும் எழுதுவதே இல்லை. எழுத்தாணியை Facebook, Twitter -ல் பின் தொடரலாம்.

Join 100's of Free Subscribers list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.


Like it? Share with your friends!

203
31 shares, 203 points
Choose A Format
Story
Formatted Text with Embeds and Visuals
Trivia quiz
Series of questions with right and wrong answers that intends to check knowledge
List
The Classic Internet Listicles
Ranked List
Upvote or downvote to decide the best list item
Countdown
The Classic Internet Countdowns
Open List
Submit your own item and vote up for the best submission

Join 100's of Free Subscribers list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Join 100's of Free Subscribers list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.