கடலில் விழுந்து விபத்துக்குள்ளான இந்தோனேசிய விமானம்

ஜகார்த்தாவில் இருந்து இன்று காலை புறப்பட்ட இந்தோனேசியப் பயணிகள் விமானம் கடலில் விழுந்தது என்று அதிகாரிகள் உறுதி செய்துள்ளனர்.


146
28 shares, 146 points

இந்தோனேசிய விமானம் ஒன்று கடலில் விழுந்து விபத்திற்குள்ளாகி உள்ளது. லயன் ஏர் (Lion Air) விமான நிறுவனத்துக்குச் சொந்தமான இந்த விமானத்தில் விமானப் பணியாளர்கள் உள்பட 188 பேர் இருந்துள்ளனர் ( 178 பெரியவர்கள், 1 குழந்தை, இரண்டு கைக்குழந்தைகள், 2 விமானிகள், 5 விமானப் பணியாளர்கள்).

Credit : NY Times

ஜெடி-610 என்ற எண்ணுடைய இந்த விமானம், இந்தோனேசியத் தலைநகர் ஜகார்த்தாவில் (Jakarta ) இருந்து பன்ங்கால் பினாங் (Pangkal Pinang) நகரத்துக்குச் சென்று கொண்டிருந்தது.

விமானம் புறப்பட்டு நடுவானில் பறக்கத் தொடங்கிய 13 – வது நிமிடத்தில், விமானக் கட்டுப்பாட்டு அறையுடனான தொடர்பு துண்டிக்கப்பட்டது. காலை 6.33 மணியளவில் விமானம் கட்டுப்பட்டு அறையுடனான தொடர்பு துண்டிக்கப்பட்டதாக செய்தி வெளியாகி உள்ளது.

புறப்பட்ட சிறிது நேரத்திலேயே விமானத்தின் தகவல் தொடர்பு துண்டிக்கப்பட்டதால் அதிகாரிகள் அதிர்ச்சி அடைந்தனர்.

தொடர்பு துண்டிக்கப் பட்ட சிறிது நேரத்திலேயே  இழுவைப் படகு ஒன்று, விமானத்தின் உடைந்த பாகங்கள் கடலில் மிதப்பதைப் பார்த்ததாக  இந்தோனேசிய ஊடகங்கள் தெரிவித்துள்ளன.

போயிங் 737 ரக விமானம்
இந்தோனேசியாவில் உள்ளூர் நேரப்படி திங்கள்கிழமை காலை 6.20 – க்கு (கிரீன்விச் நேரப்படி ஞாயிற்றுக்கிழமை 23.30)  புறப்பட்ட இந்த விமானம் ‘போயிங் 737 மேக்ஸ் 8’ ( Boeing 737 MAX) வகையைச் சேர்ந்தது. இந்த மாடல் விமானங்கள் 2016-ம் ஆண்டு முதல் தான் பயன்பாட்டில் உள்ளன.

இந்நிலையில் சற்று முன் விமானம் விபத்துக்குள்ளானது உறுதி செய்யப்பட்டுள்ளதாக தேசியத் தேடுதல் மற்றும் மீட்பு முகமையின் செய்தித் தொடர்பாளர் அறிவித்துள்ளார்.  விமானத்தில் பயணித்த 189 பேரும் விபத்தில் பலியாகி விட்டதாக அறிவிக்கப்பட்டுள்ளது. ஆனால், அவர்களின் உடல்கள் மீட்கப்படவில்லை. மீட்புப் பணிகள் முடுக்கிவிடப்பட்டுள்ளன.

Credit : NY Times

இந்தோனேசியா ஆசியக் கண்டத்தில் உள்ள மிகப்பெரிய தீவுக்கூட்டம். ஏராளமான சிறு தீவுகள் நிரம்பிய இந்த நாட்டின் உள்நாட்டுப் போக்குவரத்து பெரிதும் விமானங்களையே நம்பியுள்ளது. இதனால் இந்த விமான விபத்து மக்களிடையே பெரும் அதிர்வலைகளை ஏற்படுத்தியுள்ளது.


Like it? Share with your friends!

146
28 shares, 146 points
Choose A Format
Story
Formatted Text with Embeds and Visuals
Trivia quiz
Series of questions with right and wrong answers that intends to check knowledge
List
The Classic Internet Listicles
Ranked List
Upvote or downvote to decide the best list item
Countdown
The Classic Internet Countdowns
Open List
Submit your own item and vote up for the best submission

Join our list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Join 100's of Free Subscribers list

Subscribe to our mailing list and get interesting stuff and updates to your email inbox.

Thank you for subscribing.

Something went wrong.